KahaaaNi (Ankahi Baatein)

Kuch suljhee si kuch uljhee si,

Kahin suljhee uljhee si,

Kuch aisi hai meri kahaani...

Inn patjhadd say mausam jaisa,

maine bhi jeevan dekha hai...

Chamakti jhulasti dhoop mein,

tan ko paseenay se sincha hai...

Amber se boond ko ate,

maine bhi to dekha hai...

mayur ko uska lutf uthaate, 

naachte chehahate dekha hai...

Kuch tedhi si kuch medhi si,

Kuch tedhi medhi si...

Kuch aisi hai meri kahaani...

Raat mein jagna din mein sona,

pal bhar mein pakar sab khona,

thoda hans kar gum ka dhona,

maine bhi to sikhaa hai...

Dosto se milne ki khwahish,

chup kar milkar krna saajish...

tu main tu main wali baatein,

baat baat par lena saugaatein...

maine bhi kar chodi hai...

Kuch khatti si kuch mithi si,

Kuch khatti mithi si,

Kuch aisi hai meri kahani...

Subah ka jana sham ko ana,

Vyast zindagi ko suljhaanaa..

khud hans kar sabko hansana..

kuch aisa fasaanaa,

maine bhi to cheda hai...

Uth kar girna, gir kar uthna

kabhie kabhie bin gire uth jana..

chunautiyo ko muh ki dekar,

maine bhi bahar nikala hu...

Lagti kuch sachhi si kuch jhooti si

Kuch sachhi jhooti si

Kuch aisi hai meri kahaani...

Door se samjho to achi hai, Kareeb se dekho to sachi hai,

Gaur se samjho to ek tasveer hai,

Ye meri nahi teri nahi

Yahi hai sabki kahaani

Kuch suljhee si kuch uljhee si

Kuch tedhi si kuch medhi si

Kuch khatti si kuch mithi si

Kuch sachhi si kuch jhooti si

Aisi hi hai sabki KAHAANI

...